NAZIOARTEKO AGURRA EUSKAL HERRIKO EMAKUMEON MARTXARI

5.KRONIKA IRUÑEA!!!!!

Martxoak 13, Iruñako kronika
Iritsiera, Manifestazioa eta amaiera ekitaldia

Iritsi da Euskal Herriko Emakumeen Martxa bere azken geltokira, Iruñera. Nekea aurpegian baina alaitasuna begietan, honela ekin diogu azken txanparen ibilbideari. Leitzatik abiatu eta Iruñera bidean sartzen garela aste honetan bizi izan dugunaren bizipenak oroituz indarrak biltzen goaz.
Bost egunetan zehar, 5 lurraldeetako (Nafarroa, Araba, Bizkaia, Gipuzkoa eta Lapurdi) 28 herri eta hirietatik pasa da martxa. 870 klimetrotik gorako bidea izan da, emakumeen elkartasun, ongi-etorri, agur eta testigantzaz urratsez urrats ehundutako bidea.

Milaka emakumez osaturiko uholde moreaz Euskal Herria zeharkatu dugu; herri, auzo eta kaleak, txoko guztiak feminismoz busti eta gureak eginez.
Bost egun izan dira emakumeon errealitatea azaleratzeko; indarkeria sexista eta prekarietatearen aurka gure salaketak eta ohiuak ozen entzunarazteko, eskubide sexualen eta elikadura burujabetzaren inguruan nahi ditugun erabakiak hartzeko eskubidea izan dezagun aldarrikatzeko.

Egitarau oparoa daukagu aurretik, Gaztelu Plazan dagoeneko goizetik egitarau zabalarekin hasiera eman diote egunari: erakusketa, stand-ak, herri kirolak eta haurrentzako txokoa, musika...
12:30ak pasa iritsi da Martxako Furgoneta Plazara. Urduritasun eta zirrara handia sortu digu Martxaren azkena iristen ari dela pentsatzeak.

Manifestaldiari ekin diogu Iruñeko kaletatik, San Inazio Elizaren aurrean gure aldarrikapenak ohiukatzeko geldialdia egin dugu.
“Betidanik erlijio handiak eta batez ere erlijio katolikoa emakumeon gorputza eta bizitza arautzeko obsesionatuak egon dira, gure sexualitatea amatasunera mugatuz. Abortua eta antisorgailuen erabilera; ezkontza heterosexualetik kanpo dagoen edozein harreman kondenatuz.
Ama edota emazte erroletatik desbideratu garenean, gu estereotipatu, santifikatu edo satanizatuak izan gara. Gure eskubide oinarrizkoenak ukatu zaizkigu.”

Hurrengo geldialdia INAIn egin dugu. Bertan, Instituzioek indarkeria sexistaren aurrean duten jarrera eta eragiten duten konplizitatea salatu dugu. “ Botere publikoek, eta hauek bultzatzen dituzten indarkeriaren kontarako lege eta neurriak ez daude arazoa errotik aldatzeko bideratuta. Ez dute genero sistema, hau da, patriarkatua benetan eraldatzeko neurririk planteatzen.”

Hirugarren geldialdia parlamentuan egin dugu. Hona hemen bertan adierazitakoa: “Emakume nekazariak funtsezko papera betetzen dugu elikadura eta nekazal pordukzioan. Baina gero, gure partehartzea eta lana ez da aitortzen. Ez da lan honen errekonozimendu eta errespeturik ematen. Gainera, baserriko lanez gain, etxeko lanen eta bertakoen ongizatearen ardura gure gain jausten da gehienetan.
Emakumeok erabaki eta parte hartzen dugun, elikaduraren ekoizpen, banaketa, eta kontsumo eredu iraunkorra eta bidezkoa aldarrikatzen dugu, herrien eta pertsonen bizitzak bermatuko duena.”

Gaztelu Plazara iritsi aurretik gure azken geldialdia Bakuen aurrean izan da. “ Egiturazko krisi honen aurrean hartzen ari diren neurriek ez dituzte gure beharrak asetzen eta prekarietaan sakondu besterik ez dute egiten. Emakumeok, betidanik krisian bizi izan garenok, ondo dakigu eredu honek ez duela jendartearentzako onura bilatzen. Gutxi batzuen poltsikoak betetzeko planek herriak eta emakumeak itotzen jarraitzen dute”.

Manifestazioaren amaieran Mundu Martxaren aldarriak eta herrietan bizi izan dugunaren testigantza konpartitzeko momentua heldu da, ekitaldia astera doa.
Ez dakigu etorkizunean zenbat arrazoi izango ditugun, baina emakumeok beti izango dugu hauei aurre egin, antolatu eta borrokatzeko grina eta ahalmena.
Ezezkoan gure borrokak oinarritzera ohituta oraingoan ikuspegi bakirrago bat eman nahi izan diogu ekitaldiari. “erresintentzia eta aitodefentsa kolektiboari bai”, “sexualitate askeari bai”, “lan duinari bai”, “ekoizpen txikiko nekazal ereduei bai”...
Guztiz beharrezkoa dugu bost egun hauetan erakutsi dugun errebeldia bestelako mundu bat eraikitzeko.

Ehunka dira egun hauetan zehar testigantza liburua laztandu duten emakumezkoak. Asko dugulako aldarrikatu eta esateko bai Euskal Herrian eta baita munduan ere.
Manifestazioa eta ekitaldia amaitu ondoren emakume guztiontzako bazkaria izango da Jito Alain, 350 emakume bete dugu pilotalekua…
Baina festa ez da bazkariarekin bukatuko. Sabelak bete bezain pronto, emakumez osatutako kartel bikaina izango da kontzertuan: Mikaela Piton bakarlaria, La Omega rap abeslaria eta Las Valium izan ditugu gurekin giroa alaitzeko.
2010, 2011, 2012 arrazoi izaten jarraituko dugu, Emakumeok arrazoiak soberan ditugu kalera irteteko. Egin gaitezen gure errealitatearen jabe. Aldatu dezagun Euskal Herria, aldatu dezagun mundua.

IRUÑEAN IKUSTEN GARA!!!!!

Ostirala 12, 4. KRONIKA

Oiartzun – Irun – Behobia – Senpere – Ezpeleta – Hazparne – Bastida – Aurti – Baiona

Ibilbidearen kronika

- Oiartzunen: herriko plazan 15 bat emakume zeuden goizean goiz furgonetaren zain eta une ttiki batez bada ere, geratu, testigantza liburuan Oiartzungo emakumeen izenean hitz batzuk idatzi dituzte eta txalo artean agurtu dute furgoneta.

- Irun: goizeko 10.30etarako herriko plazan institutu eta eskola ezberdinetako ikasleekin elkartu dira eta hezkidetza tailerra landu dute. 11.30ak aldera egin diote harrera furgonetari eta bertan mundu martxaren berri eman diote han bilduta zeuden herritarrei eta tartetxo bat hartu dute testigantza liburuan idazteko eta beraiek herrian egin duten muralaren pegatina panel orokorrean itsasteko. Emakumeen indarkeria landu dute batez ere Irunen, mapa beltzak identifikatuz.

- Senpere. Bertako auzapezak hartu gaitu eta hitz batzuk esan dizkigu bertan bilduta geunden emakumeoi. Mundu martxarekin bat egiten dutela esan eta horrez gain animoak eman dizkigute.

- Ezpeleta. Bertako auzapezak, herriko zenbait zinegotzi emaztek (emakumek) eta gazte talde bateko emazte batek egin digute harrera. Herriko etxera gonbidatu gaituzte eta bertan hizketan eta bizipen ezberdinak konpartitzen aritu gara. Ondoren testigantza liburuan idatzi dute beraiek eta kanpoan argazki bat atereaz Hazparnera abiatu gara.

- Hazparne. Bazkari goxo batera gonbidatu gaituzte, furgoneta eta auto karabanan gatozen emakumeak eta goizetik baserri baten bisitara txangoa egitera etorri diren emakume baserritarrak. 60 – 70 emakume bildu gara bazkatzen.

Hazparnen ordea, goizean goizetik, EBEL eta Emazteek Diote taldearen artean elkartrukea antolatu dute. EBELetik 50 emakume inguru etorri dira, autobus bat beteta, Bizkaitik, Gipuzkoa eta Arabatik.

Hazparnera etorri eta baserri bat bisitatu dute. Baserria horretan produkzio txikia lantzen dute bitartekaririk gabe eta produkzio ekologikoa, bisitan etorri diren emakume baserritar askorentzat adibide garrantzitsu bat. Hortik bazkaltzera egin dugu salto.

Bazkaltzen ere giro ederra egon da eta testigantza liburuan emakume baserritarrek beraien hitzak idazteko aprobetxatu dute. Bazkari guztia produktu ekologikoekin egindakoa izan da. Bazkaria eta gero, Hazparneko plazan ekitaldi batekin amaiera eman diote Martxako ekimen guztiari. Emakume baserritarrek, Emazteek Diote emakume taldeak, herriko auzapezak…hitza hartu eta martxari haien atxikimendua eman diote.

Baionarako bidean, Leuntzen harrera egin digute beste behin.

Baionan manifestazioa egin da. Dantza emanaldia, Rap-a eta gauerako kontzertuak antolatu dituzte Patxokin.

Donostitik Oreretara

Martxoak 11, DONOSTIA-ORERETA

Ibilbidearen kronika

Donostian emakumeon kontrako indarkeria izan dute oinarri. Furgoneta iritsi denean 135 emakume inguru harrera beroa eskaini diote, armiarma sare bat zuten prestatua eta bertan emakumeen testigantzak, kartelak argazkiak eta abar zeuden. Muralaren irudia emakume bat izan da banderola batekin eta autodefentsa jartzen zuen bertan. Ekimena, performance batekin hasi da, indarkeriaren ingurukoa. Trontzan agertu dira bi emakume eta beraien artean indarkeri egoera bat eta autodefensa irudikatu dute. Ondoren kioskora bi emakume igo dira, bata euskal duna eta beste sahararra. Bien artean irrintziak bota dituzte. Ondoren martxaren ingurun hitz egin, zutik abestu eta emakume rapera batzuekin eta muralaren pegatina itsasita amaitu dute zuzenean Oreretarako bidea hartu du martxa

Oreretara iritsi da pasaia eta lezotik barrena, harrera beroa egin dute herritar mordo baten alamedaren ertzetan furgonetari txalo eginez eta aldarrikapen oihuak eginez. Furgoneta iritsi zenean herritar guztiak herrian barrena sartu ziren eta manifestazio batean udaletxe aurreraino iritsi ginen. Oreretak lau ardaztak izan ditu aldarrikapenarako oinarri.

Oso jendetsua izan zen eta oso beroa. Txoko ezberdinetan txalapartak, antortxak… giro hunkigarria zegoen. Denak udaletxe aurrera iritsi eta bertan ekitaldi ikusgarria egin zuten. Argiekin eta musikarekin martxari ongi etorria egin zioten eta jarraian dantza ikusgarri batzuekin hiru neskek gorputz adierazpen saio bat egin zuten itzalekin. Ondoren, telaren atzetik atera eta emakume sinbolo erraldoi bati eutsi zioten hiru neskek txalaparta doinuekin batera.Oreretako herrian egindako muralean emakume ezberdinak ageri dira. Bilutsik dauden emakumeak dira eta badirudi dantzan ari direla. Elkarri lotzen dira mugimendua ezberdinekin. Herri ezberdinetako kideek testigantzak utzi zituzten liburuan, esaterako Sabekoko emakumeek, Oreretakoek, Lezokoek eta abar. Ekitaldiaren ostean afaria egin zen alamedan zegoen karpan giro goxoan. 200 – 300 herritar inguru bildu ziren bertan eta afal ostean bi antzezlariren eskutik (Las mertxes) afaritan zeuden guztiei farre eginarazi zioten. Gai ezberdinak ukitu zituzten beraein ikuskizunean (indarkeria, prekarietatea, elikadura subirautza) eta amaieran emakume mordo bat igo ziren eskuan lur apur batekin. Zerbait landatzera zioazela irudikatu zuten lurra ereinez eta globo moreekin lagunduz. Gaua luzea izan da Oreretako herriko txokoak jai giroan murgilduz.

"Oztopoak oztopo..." BERRIA TB

Acciones de la Marcha Mundial de Mujeres a nivel internacional

En la web de la 3º acción internacional de la MMM podéis encontrar información sobre las acciones que se están realizando desde las distintas coordinaciones nacionales.

¡Animaos a visitarla!

4.EGUNA MARTXAN

Martxoak 11: Ermua, Zarautz, Beasain, Tolosa

Goizeko hamarretan abiatu da martxa Zornotzatik Ermura, autopistako bidesaritik irten eta zuzenean Areitioko auzunera zuzendu da bertan Tenneco enpresako langileak kanpoaldean kontzentratuak aurkitu dituztelarik. Enpresa komiteak paroa deitua zuen eta martxari harrera beroa eskaini dio momentuan erortzen ari zen elurrari erreparatu barik.

Bertatik, Ermuan barna 12 autoz osaturiko kotxe-karabanan abiatu da herriko enparantza-arte eta han 40 pertsona inguru aurkitu dituzte martxako kideak, haien artean, Eibartik ere gerturatu diren lagunak egin den ekitaldian parte hartzeko asmoz.

Ekitaldian landu duten ardatza oinarri hartuta, prekarietatea hain zuzen ere, emakumeok pairatzen ditugun diskriminazio eta zapalketak salatu nahi izan dituzte eta horrekin batera herrian egindako muralaren argazkia ipini dute Euskal Herriko mapa eta “Zutik emakumeak” abestuz ekitaldiari amaiera eman diote.

Zuzenean Zarautzera abiatu da furgoneta. Han emakume desberdinen testigantzez osatu dute testua (emakume gazteak, baserritarrak eta etorkinak). Bukatzeko eta pintxo batzuk jan aurretik Habanera doinuan prekarietatearen inguruko abesti bat kantatu dute.

Herrian marraztutako muralak emakumeak patriarkatuarekin haustea irudikatzen du. Emakumearen txikitatik heldutasunerako garapena adierazten duen irudiek laguntzen diote.

Beasainen berriz, eskualdeko eta inguruetako emakume talde eta elkarteek (Ordiziko Kimetz Emakume elkartea, Asmube Beasaingo elkartea eta Zumarragako emakume taldea) komunikatu bat irakurri dute elkartegintzaren garrantzia azpimarratuz. Zaldibia eta Lazkaoko emakumeek ere beraien ekarpena egin nahi izan dute, herrietan egindako muralen argazkiekin.

Tolosan Kotxe karabanan Ibarrako zubira iritsi bezain pronto arraunlariek testigantza liburua hartu eta Zerkausian eskualdeko emakume taldeei eman diete. Han Emakume baserritarraren egoeraren inguruko testua irakurri dute.

Hemendik Donostiara abiatuko da Martxa. Bulebarrean festa txiki bat egin ondoren, Pasaia, Lezo eta Oiartzun zeharkatuz eta bertako emakumeak bilduz Oreretan egingo du azken geldialdia. Bertan ekitaldia eta ikuskizun desberdinak kaleratzeaz aparte, afaria eta festa ere izango da.

Biharko ibilbidean Irun, Senpere, Ezpeleta, Hazparne eta Baiona pasako ditu Leitzan amaituz.

Eragozpenak gaindituz martxa aurrera!

"Emakumeon Mundu Martxari Bizkaiko Zubia igarotzea eragotzi egin diote"

Bizkaiko Zubiak zubi esekia gelditu du gaur Emakumeon Mundu Martxako furgonetak eta partaideak ez garraiatzeko. El Transbordador de Vizcaya S. L. enpresak megafonia bidez azaldu du “enpresari leporatzekoak ez diren arrazoiak direla eta” zerbitzua etenda gelditu dela, “kontrakoa adierazi arte”. Portugaleten, baina, martxako kideei azaldu diete matxura bat izan dela eta “ordu erdi baino gehiago” emango dutela konpontzen. Hori entzunda, Rontegira zuzendu da martxako furgoneta, Erandion aurreikusitako ekitaldia egiteko asmoz. Minutu batzuetara Bizkaiko Zubiak zerbitzuari ekin dio berriz. Areetan, ordea, ertzainen buruak, “errua zuena da, protokoloan debekatutako pankartak jartzeagatik” esan diela salatu dute emakumeek. Andrak eta neskak Erandiora zihoazen bitartean, “2010 arrazoi martxan jartzeko” lelopeko pankarta kendu dute ertzainek.

http://www.koskairratia.com/?p=3599

BILBOKO KALE EKINTZA, martxoak 10

“GURE ERROPA EZ DA BEREZ JOSTEN”

Eh-a gurutzatuko duen Mundu Martxaren arira, emakumeon prekarietatea gai nagusitzat duten Bizkaiko hiriburuan, Mundu Martxako plataforma osatzen duten emakume ezderdinek ekimen bat burutu dute goizeko 12ak aldera. Bertan, jantzigintzan diharduten milaka emakumeek jasatzen duten explotazio egoera zalatu dute. Esan beharrekoa da jantzigintzan lan egiten duten langileen %90 emakumeak direla eta bostetik hiruk kontratu eta babes sozialik gabe dihar dutela.

Gaur goizeko ekimenaren helburua jantzigintza munduko enpresak eta istituzioak zalatzea izan da, jendeartea kontsumo arduratsuaren garrantziaz ohartaraztearekin batera. Gaur arrastian Mundu Martxak Bilboko kaleak morez margoztuko ditu eta hurrengo egunetan bere ibilbide eta ekimenak Euskal Herriko herri ezberdinetatik jarraituko dute, Martxoaren hamahirurarte Iruñean amaierako jaialdia izango delarik.

Bilboko Euskal Herriko Mundu Martxarako Plataforma

“NUESTRA ROPA NO SE COSE SOLA”

En el marco de la Marcha Mundial de las Mujeres de Euskal Herria, cuyo eje central en Bizkaia es la precariedad, esta mañana en la Gran Vía de Bilbao un grupo de mujeres de esta plataforma ha representado y denunciado la explotación de miles de mujeres que trabajan en el sector textil. Y es que en la actualidad el 90% de las personas que trabajan en la industria de la ropa son mujeres y 3 de cada 5 lo hacen sin contrato ni cobertura social.

Con la acción de esta mañana se pretende denunciar a las empresas e instituciones implicadas y concienciar a la ciudadanía sobre la importancia del consumo responsable. La Marcha Mundial de las Mujeres seguirá recorriendo los pueblos de Euskal Herria con diversas actividades terminando en Iruña el 13 de marzo.

Plataforma de la Marcha Mundial de las Mujeres de Bilbao

3.EGUNA BIDEAN

Martxoak 10, Gasteiz- Laudio- Ezkerraldea- Eskumaldea

Gaurko ibilbidearen hasiera Gasteizen izan dugu Parlamentuaren aurrean. “2010 arrazoi martxan jarraitzeko” lemapean, lau ardatzetan oinarritutako kartelekin langunduta. 50 pertsona inguruko kontzentrazioa burutu da.

Ondoren Laudiorako bidea hartu du Martxak. Bertan, 50 bat lagunek prekarietatea oinarri hartuta, beraien testigantza utzi dute Liburuan.

Santurtzin, harrera beroa jaso du erreleboak Axular insitutuan (150 pertsona). Kartelez eta globo morez dekoratuta zegoen eta bertan ikasleek zuzendariarekin hartu dute Martxa.

Kanpazar ikastolatik pasa ondoren, Portugaletera abiatu da.

Bertan 100 pertsona ziren zain metro plazan. Testigantza Liburuan bertako emakumeen hitzak jaso eta ekitaldia egin ondoren Areeta aldera pasatzen saiatu dira Bizkaia Zubitik. Baina bertan geldialdia egin behar izan dute Martxako emakumeek.

Furgoneta pasatzera zihoan momentuan, bertako langileek gerturatu eta "arazo teknikoen" berri eman diete Martxako partaideei. Dirudienez, zubia matxuratu egin omen da eta langileek aipatutako ordu erdiko atzerapenaren beldur, furgoneta Errontegi aldetik abiatu da zuzenean, Areetako harrera bertan behera utzita Erandiora iristeko.

Bertan zeuden lekukoen arabera, baina, furgonetak alde egin orduko "era harrigarrian" zubia konpondu egin da eta autoak normaltasun osoz pasa dira.

Erandion atzerapenak atzerapen harrera beroa egin zaio furgonetari, bertako muralaren argazki bat helarazi zaiolarik Martxari.

Momentu hauetan Bilbotik aurkitzen da erreleboa. Bertan, sarrera bizikleta eta autoez lagunduta egin ondoren, udaletxetik kalejira abiatu eta harrera egingo zaio Arenalean. Prekarietatean oinarritutako ekitaldia, bertsolariak eta performance-aren segidan beste kalejira bat ospatuko da Bilboko kaleetatik afrikar perkusioaren laguntzaz.

Azkenik, Zornotzan egingo zaio harrera zanpantzarrek lagunduta.

LEHENENGO BERTSOA ERE...

AGURAINEN ERE EMAKUMEOK MARTXAN!

Batzuentzako sorginak

Besteentzako sirenak

Batzuentzat emagalduak

Besteentzat amabirjinak

Hurbil izaten ditugu

Anbulantzien sirenak

Kolpatu gaituelako

Nonbait maite gintuenak

Baina ematen dizkigu

Kolpeetan gogorrenak

Beste aldera begiratuz

Etxean gelditzen denak

Pobrezia ariman du

Gure egungo munduak

Bete behar direlako

Diruaren aginduak

Alperrik dugu hartzea

Gizonaren ereduak

Emakumeak mendeetan

Egon gara zapalduak

Lanik txarrenak ditugu

Ta gutxien ordainduak

Gurea aldarrikatuz

Altxa ditzagun buruak

Emakumeen bizkarrean

Daukagu zama itzela

Haurren ta adinekoen zaintza

Edo etxea bestela

Diote, lan osoaren

Ehuneko 80 dela

Batzuk onartuko dute

Zoragarriak garela

Baina banatu behar da

Hobeto denon pastela

Ez da horren zaila eta

Ahalegindu daitezela

Gure gainetik pasa da

Mundu ero honen gurpila

Jasan behar izan ditugu

Umilazioak mila

Baina guk jarraitzen dugu

Askatasunaren bila

Gure gorputza nahiz izan

Mehar edo biribila

Ez da ugaltzeko zerbait,

Ez da umetoki soila

Daukagun bakarra da ta

Geurea izan dadila

Agurain, 2010eko martxoaren 9an

IBILBIDEAN... LEHENENGO KRONIKA

Martxoak 9, Iruña- Altsasu- Lizarra- Agurain

Abiatu da Euskal Herrian zehar Emakumeen Martxa. Atzo gauean akelarrean, adarra joz eta zanpantzarren atzetik errelebo martxa abiatu zen Iruñetik. Gaur furgonetak bere bideari ekin dio Altsasu aldera.

Bertan, prekarietatearen kontrako aldarria oinarri hartuta, 50 emakume inguruk egin diote harrera Martxari banderola morez hornituta. Altsasuko emakumeek pobrezia eta prekarietatearen kontrako manifestua irakurri ondoren bertsoz alaitu dute momentua. Bertso hauek izan dira, emakume guztien hitzekin batera, testigantza liburuan idatziak izan direnak.

Hurrengo geltokia Lizarra izan du furgonetak. 13:30etan bertako emakumeek bizikleta eta kotxez egin diote harrera. Plazan Gaiteroak zituzten zain ongi etorria egiteko. Herri honek aukeratutako gaia emakumeon kontrako indarkeria izanik, testigantza liburuan hainbat emakumek gai honekiko dituzten beraien esperientzia eta nahiak izkiriatu nahi izan dituzte.
Muralean “el amor no es la ostia” eta “Matxismoa akatu” lemekin osatutako irudiak osatu dituzte.

40 emakume inguruko bazkaria egin ostean Agurainera abiatu da Martxa. Han txirrinduz zihoazen ama eta haurrez inguratua egin zaio harrera. Herritik buelta eman ondoren txalapartarekin egin zaio harrera furgonetari San Juan plazan.

Orain Gasteizera bidean da erreleboa. Bertan hainbat ekimen egingo dira. Hauen artean, bizikletaz egingo zaio harrera eta alboka joz agurtu ondoren testigantza liburuan sartuko duten testua irakurriko da. Azkenik, eguna amaitzeko alde ludikoagoari helduko diote batukada-poteoa eta luntxarekin.

PRENTSAURREKOA Iruñean

2010 ARRAZOI MARTXAN JARRAITZEKO

Martxoak 13 Iruñea

Hasi da 2010eko Emakumeen Martxa Euskal Herrian. Atzo Iruñean hasiera eman zitzaion erreleboari, hasiera indartsua, hasiera morea. Milaka izan ziren martxoak 8aren aldarrikapenekin bat eginez mobilizatu ziren emakumeak, milaka emakumeon eskubide formalak erreal bihurtuz sistema patriarkalarekin amaitu behar dela oihukatu zutenak.

Euskal Herrian bezala, emakumeak beste 40 herrialde baina gehiagotan mobilizatzen ari gara momentu hauetan Lurraren osotasunean. Aste honetan zehar, herrialde bakoitzak bere errealitatetik abiatuz, indarkeriaren eta prekarietatearen kontra, eskubide sexual eta elikadura burujabetzaren aldeko emakume olatua irudikatuko du.

Nahiz eta munduko mobilizazioek martxoaren 18 arte jarraituko duten, Euskal Herrian errelebo martxaren amaiera Iruñean izango da martxoaren 13an.

Bertan egitarau oparoa osatu dugu goizeko 11etatik hasita. Ordu horretan Gaztelu Enparantzan bilduko gara erakusketa eta stand-ak izango baitira bertan. Haurrentzako txokoa ere izango da.

Jarraian 12:30etan harrera egingo diogu Martxako furgonetari eta ondoren manifestazioa abiatuko da.

Manifestazioa eta ekitaldia amaitu ondoren emakume guztiontzako bazkaria izango da Jito Alain.

Baina festa ez da bazkariarekin bukatuko. Sabelak bete bezain pronto, emakumez osatutako kartel bikaina izango dugu kontzertuan: Mikaela Piton bakarlaria, La Omega rap abeslaria eta Las Valium izango ditugu gurekin giroa alaitzeko.

Martxaren erreleboarekin egin dugun bezala, emakume guztiei dei egiten dizuegu martxoaren 13an egingo ditugun ekimen guztietan parte hartzera, beste behin denok batera gure eskubideak ahalik eta giro alaienean aldarrikatzera. Bildu gaitezen denok Euskal Herria morez tindatzen jarraitzeko, atzo egin genuen bezalaxe.

Emakumeok arrazoiak soberan ditugu kalera irteteko. Egin gaitezen gure errealitatearen jabe. Aldatu dezagun Euskal Herria, aldatu dezagun mundua.

Iruñean, 2010eko martxoaren 9an